ព័ត៌មានជាតិ

ព្យុះទី១៧ឈ្មោះសូឌែល(SAUDEL)កម្ពុជាអាចមានភ្លៀងធ្លា​​ក់ពីបង្គួរទៅច្រើន​តំបន់សមុទ្រភ្លៀងធ្លា​ក់ច្រើន

 

សេចក្តីជូនដំណឹងរបស់ក្រសួងធនធានទឹកនិងឧតុនិយមស្តីពីស្ថានភាពអាកាសធាតុនៅព្រឹកថ្ងៃទី១៥ខែតុលា ឆ្នាំ២០២០បានឲ្យដឹងថាព្យុះទី១៧ឈ្មោះសូឌែល(SAUDEL)បណ្តាលឱ្យកម្ពុជាចាប់ពីថ្ងៃទី១៧ដល់ថ្ងៃទី១៩ ខែតុលាអាចមានភ្លៀងធ្លាក់ពីបង្គួរទៅច្រើនសមុទ្រភ្លៀងធ្លាក់ច្រើន។ក្រសួងធនធានទឹកបញ្ជាក់ថាបន្ទាប់ពីបានធ្វើការតាមដាននិងការវិវត្តជាក់ស្តែងនៃស្ថានភាពអាកាសធាតុជាបន្តបន្ទាប់ឃើញថានៅថ្ងៃទី១៥ខែតុលាឆ្នាំ២០២០នេះ សម្ពាធទាបសកម្មមួយ( Active Low )កំពុងស្ថិតនៅលើភាគកណ្តាលប្រទេសហ្វីលីពីន ។តាមការព្យាករ សម្ពាធទាបសកម្មនេះនឹងរំកិលចូលមកក្នុងសមុទ្រចិនខាងត្បូងហើយវិវត្តខ្លួនជាបន្តបន្ទាប់ទៅជាព្យុះទី១៧ឈ្មោះ សូឌែល (SAUDEL) ដោយធ្វើដំណើរចូលមកប៉ែកខាងលើភាគខាងត្បូងនៃប្រទេសវៀតណាមនៅថ្ងៃទី១៧ ខែតុលា ឆ្នាំ ២០២០ ហើយបានថមថយឥទ្ធិពលទៅជាវិសម្ពាធ និងសម្ពាធទាប នៅពេលចូលមកក្នុង ប្រទេសកម្ពុជា ។ សូមសាធារណជនជ្រាបជាព័ត៌មានបងប្អូនប្រជាពលរដ្ឋដែលរស់នៅក្នុងទីប្រជុំជន ទីទំនាបក្បែរផ្លូវទឹកជាប់តំបន់ភ្នំនិងជួរភ្នំ និងបងប្អូនប្រជានេសាទនិងអ្នកធ្វើដំណើរតាមសមុទ្រទាំងអស់ សូមបង្កើនការយកចិត្តទុកដាក់ប្រុងប្រយ័ត្ន!ខ្ពស់ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ ។

Leave a Reply

Your email address will not be published. Required fields are marked *